3 கண்டங்களை இணைக்கும் உலகின் மிகப்பெரிய கடல்வழி இணையக் கேபிள்; ஜியோவின் பிரம்மாண்டம்...!

3 கண்டங்களை இணைக்கும் உலகின் மிகப்பெரிய கடல்வழி இணையக் கேபிள்; ஜியோவின் பிரம்மாண்டம்...!

3 கண்டங்களை இணைக்கும் வகையில், உலகின் மிகப்பெரிய கடல்வழி இணையச் சேவையை ஜியோ அறிமுகம் செய்ய உள்ளது.

கடந்தாண்டு அதிரடி சலுகைகளுடன் ஜியோ தொலைத் தொடர்பு சேவை அறிமுகம் செய்யப்பட்டது. இது இந்தியாவில் மிகப்பெரிய புரட்சியை ஏற்படுத்தியது. இந்நிலையில் இணையச் சேவைக்காக கடல்வழி கேபிள்களை நிர்மாணிக்க முடிவு செய்துள்ளது. இதன் மூலம் 40 டெரா பிட்ஸ் அலைவரிசையை பகிர முடியும். இந்த சேவை ஆசியா, ஆப்ரிக்கா, ஐரோப்பியா ஆகிய 3 கண்டங்களை இணைக்கிறது. அதற்காக ஏஏஇ-1 என்ற கேபிள் பயன்படுத்தப்பட்டு வருகிறது. இந்த அதிவேக சேவையைக் கொண்டு, அனைத்துவிதமான தகவல் தொடர்பு, பயன்பாடுகளைப் பெறலாம்.

இந்த கேபிள்கள் பிரான்சின் மர்செய்லீயில் இருந்து, ஹாங்காங் வரை நீள்கிறது. இதற்காக ஐரோப்பா, மத்திய கிழக்கு நாடுகள், ஆசியாவில் உள்ள தொலைத் தொடர்பு நிறுவனங்களுடன் ஜியோ பேச்சுவார்த்தை நடத்தி வருகிறது. இந்த கேபிள் மூலம் 100 ஜிபிபிஎஸ் அதிவேக இணையச் சேவையை தொடர்ந்து பெறலாம் என்று தெரிவிக்கப்பட்டுள்ளது. இந்த இணையச் சேவை மூலம், இந்தியாவின் இணைய வீடியோ சேவையின் தேவை பூர்த்தி செய்யப்படும் என்று கூறப்பட்டுள்ளது.